最後一個星期翻工嘅日子……
雖然有D唔捨得，但係又幾想翻屋企……
因為無PS3嘅關係。

因為聽日王さん有事，而張さん剛好今日老公晚歸，所以我嘅送別會就係今日舉行了囧。
食完幾千蚊野……然後集體唱k兩小時，價格竟高達12000+ ……
嚇親……

希望聽日可以早D翻hotel……

起身之後原本唔想鬱……
但係一林到就快翻屋企啦，就覺得應該到東京出名但係我未去嘅地方走走。

去HK亭食咗個飯，就毫不猶疑地出發了！

目標系：渋谷！

響代々木轉山手線到達渋谷落車，發現下一個站就係恵比寿了！
不如先去恵比寿，然後往後渋谷，再往後原宿甘啦～

跟住就搭咗下班車去咗恵比寿了～

一到恵比寿，隨便選咗一個出口出去，見到一條好高嘅柱子，就衝咗過去拍照了～


等我影完，一轉身林住行翻車站嘅方向……
來到東京後嘅第2次聲優すれ違い發生了……
剛開始果時只覺得離我不到3米處的人著西裝出街好特別……
跟住我就去望鬼人個樣……
甘面善嘅汝？
跟住果個人又瞪翻我……（心林：條友眼神幾寸窩……
すれ違い過後……
果個人……咪系……ka……ji……yu……ki？
oh……應該望多幾眼……因為佢最近好似幾紅下……

然後ゆきをあとにして，就往ebisu garden place行咗過去了～
哇～就係一個好西方feel嘅地方～
都好多西方人！
地下連絡通路下面竟然都係賣高級紅酒囧！！
但係多人的地方背後，又係荒無人煙……真係每次都感嘆點解東京多人同無人嘅區域都離甘近……
仲要無乜漸變……
幾得人驚……

然後經過地下連絡通路翻駅，坐一個站去渋谷～
我嘅迷路噩夢……就此拉開序幕………………

尋日行新宿太攰啦……今日響hotel訓咗一日……
真係訓咗足足一日……

聽日去涉谷同原宿！！

再一次的三連休第一日。
去咗下小哥家……風景好好啊kuso！

小哥家就響新宿，所以順便行行新宿去。
果然新宿無咩適合我地睇嘅野……

就響tsutaya訂咗只FF13，比咗小哥到時去拿了……
跟住就響度兜新宿……穩飯食……

兜啊兜啊兜，越兜越耐，就更加唔願意食M記orK仔呢D全世界都有嘅野食……
因為話甘多時間兜，最後食呢D甘無意義嘅野唔覺得好唔抵麼！？

最後就食咗天狗～
算有D特色啦～

夜媽媽，坐山手線翻秋葉原然後轉総武線翻亀戸了～

雖然19號仲系三連休，但係訓到下午先醒，所以都唔算一日了……
然後一如既往地翻工。

無咩特別事情發生……又有好特別嘅事情發生……
聽日又到三連休了……
先翻工3日，又休，其實幾唔錯……

總體來講，改變嘅系我開始響『領導』面前說說笑笑了……
點講都好，響motherland我對住『領導』無咩，但係畢竟畢竟呢度系另一個國度，『領導』嘅性質唔一樣……
特別系一個甘拘謹嘅國度……真係搞到人都拘謹埋……

話說尋日颱風15號就正正經過東京……
真係頭都吹甩啦……
吹到穩條燈柱頂住自己唔好被吹走……
最後雖然入咗JR站，但係総武線延遲……延咗……唔知幾多個鐘……
總之我8點響車站，10點先開車……
經過秋葉原，因為D人湧入來，我一下子比D人逼到埋門，成個人撞咗埋度門度……
去到錦糸町，仲逼到只能單腳企……
翻到hotel仲地震…………

呢個經歷，太正了……
響自己原本住嘅地方都未試過直擊颱風捏……
原來颱風正中經過上空……系唔會落雨噶……
我……都係尋日先知道……orz

晨七甘早去game show，乜隊都無排……
最後選擇排nbgi嘅goods店，點知想買只杯買曬……
剩系買咗se一隻ost……

因為太早，走咗之後去咗akiba……
繼續去翻之前果度買同人誌……精神食糧啊……

準備翻屋企啦～～～
雖然呢度咩都好，但係畢竟都係家裡感覺比較舒適……
而且有阿媽打理……
實在情何以堪……

尋日2點先訓……可能見到聲優太過興奮……

今日11點幾先醒……然後衝去搭電車去TGS了……

途中接到李さん的mail話佢準備過去亀戸，但係我已經啟程了……
然後相約西船橋見……
在西船橋嘅站內食咗個烏冬……睇來我第日見到XX揚げ都要考慮下了……好油膩……

見到李さん之後搭到海浜幕張之後就步行去幕張メッセ了～

一進場就見到井上、鈴村、雪野、小島在台上event緊……
我趕緊影咗幾張相囧！

全場好多地方唔比影相……PS VITA果度差D影咗，比工作人員警告了……
ココは撮影禁止です…
私、恥ずかしい…
因為李さん興趣不大，就我一個人周圍逛了……

最後落腳在NBGI嘅stage度，因為要睇GOD EATER 2嘅發表會……
企咗個幾鐘，內容都係ファミ通有的，但係現場睇感覺真係正D甘，雖然身高問題我睇得唔係好清……
但係真係現場好有趣囧！

聽日10：30去睇傳說的發表會！！！
唔知要企幾耐了……

呃，yugiさん，點解要7：30甘早呢……？
唔係10點半開始咩？！

翻工的每日……無咩特別。

最特別嘅，就係響外勤嘅時候遲到10分鐘BOSS發火。
外勤目的地系data center。
加班加到11：30之後坐電車見到聲優……仲企離我不到1米嘅地方……
松◯◯也……です……

呃……囧……可能因為血流光了……思緒都流光了……
以上orz……

今日無翻工……
唔係我唔想翻，但係我真係出唔到呢個門口……

我好榮幸原本每個月都要煩嘅野，我3個月先一次（正常週期）。
但係每次都好似血崩甘未免太洶湧……
又痛，又唔可以亂鬱……
一鬱就覺得好似倒寫水一樣……
kuso！
就算翻工，又怕整污糟公司嘅地方……
響房間，都要成日跑廁所……
想出街，又確保唔到必要時都可以有廁所……
kuso！！！！！！！！！！！！
kuso！！！！！！！！！！！！！！！！！

今日打掃咗一下房間。
一生人第一次用吸塵機……
太強大！！！翻屋企要買個比阿媽！！

跟住原本想響周圍行下，買個包包……
點知，行行下頭上一大舊烏雲……
媽啊！呢度嘅空氣好，天空藍藍的……
但係一旦烏雲出現，真係得人驚……
好似世界被吞噬一樣清晰……

然後我急速翻房間……
睇咗某事件的半年紀念特輯之後……唔記得咗自己做咩了……
跟住想去TSUTAYA度買game同攻略……
點知想買嘅都無……
然後買咗個面就翻房間……
TMD，垃圾分類真係頭痛……我以為酒店嘅ゴミ場得可燃同不可燃……
點知原來仲有瓶瓶罐罐……
影張相背低佢先……

好攰……

雷門好曬。

淺草無咗千幾兩千……

大門開始影相……

塔上………………邊個話唔值得上去噶kuso！
正啊kuso！！
特別系夜景！！（雖然節電好暗……）

食飯基本系李さん同佢嘅F出錢……
多謝曬……

無為嘅everyday。
響度睇objective-C嘅野，意外容易接受……
啊……
仲發生D好魚嘅事情……
KUSO！
呢度D野食名太特別啦，我都唔記得邊D打邊D啦kuso！

焼鮭しょうさけ
丼どん
蕎麦そば

囧！

生活開始進入好調，跟人講野開始唔驚……
反正都係翻工的每日一日，林住週末先寫日誌……
但係突然今日突然EVENT了kuso！！

今日李さん累了，早走，因為李さん走咗我都無job做，所以就一齊早走。
反正早走，翻到亀戸個sun street林住入去行下。
響音像店見到想買果只game，拿了無料小冊子，穩啊穩都唔見……
可能我企太耐啦，比路過n人望了n下……
最後只能問店員さん，竟然切了！！！

失望……
準備上2樓嘅100円店睇睇有咩賣……
途中……………………

突然EVENT發生！

我朝著上2樓嘅樓梯，走啊走。
突然，一男走近『すみません』。
我：（驚！呢個唔係剛剛我睇game時候經過嘅人？）
望真D，又幾靚仔噶窩，仲有D似羽多野◯添。
男：請問知唔知XXX站響邊啊？（原文日文已經唔記得……以下男系中文的話，都係我唔記得日文原文了）
我：えっと、分かりませんです。
男：え…中国の人？
我：………………【傻笑點頭】（點解佢會知道噶囧！？韓國人唔得咩？！）
男：日本語上手だね。
我：はは………………【繼續傻笑點頭】（真客氣）
男：甘知唔知最近嘅車展系邊度啊？
我：【指指JR站】あそこ。
男：甘下一站系咩啊？
我：【緊張】秋葉原？いえいえ、錦糸町です。
男：甘往另一個方向嘅下一個站呢？
我：【思考狀】
男：系唔係XXX啊？
我：覚えていませんね。
男：そっか。
我：【傻笑】
男：じゃ、ありがとう、３ｑ、気をつけてね。【行走，回頭，揮手】
我：【傻笑點頭】
男走果個方向，都係我要上嘅樓梯嘅方向……
走咗幾步，男突然！
あっちの駅は知らないか？
我：【嚇！】分かりませんです。
男：謝啦！
我：【傻笑點頭】いえいえいえ。

kuso！明知我唔係日本人仲問甘多囧！
囧囧囧囧囧！

跟住上咗百元店……
好多好可愛嘅野囧！
買了幾個日本制嘅餐具，100一件，抵！

跟住竟然仲買到前幾日電視睇到嘅，一遇到牛奶就凝固嘅甜品！！

跟住去便利店買咗牛奶～～

一陣試下先～

今日去池袋。
因為唔知道穩出來嘅路線系要出站轉線，所以唯有去問站員先生了……
詢問唔出JR到達池袋嘅方法……
佢講得太快了……只能『ゆっくりしてください』，然後佢真係非常非常的ゆっくり……
大感謝！我成功去到池袋！

感覺好似系一條縮短版嘅步行街，真係好短……
經過條步行街，就直奔目的地sunshinecity～

然後去咗namco主題館。
遇見HK人！
感動廣東話！我已經好Q耐無講過啦kuso！
跟住……竟然無意中就行咗乙女ロード……原諒我行完先知道佢系乙女ロード……

買了一堆goods，有自己的，有送人的～
然後就翻マンション～

然後要去嘅地方……都唔知仲有幾多……

啊啊！！今日地震了！
我訓得朦朧的時候搖啊搖……
我以為我發夢……
真係2日一小震啊kuso！